جبتليكم ماسك لازالة الحبوب من أرقى صالونات التجميل

السلام عليكم ورحمة الله وبركاته
هاد الماسك صراحة هو سر من اسرار الصحراويات لكن انتشر بين كل البنات,طبعا تيبقى شكون ممكن يتفضل ويعطيه ليك,لاننا عارفين السيكولوجيا ديال شي ناس..انصحكم باش تقيدوه ما حد الموضوع باين..شوية ويغبر وسط المواضيع وما بغيت منكم غير دعيوة بتيسير اللي فبالي

ملي درت بحث لقيت بانه معروف حتى فارقى الصالونات..واقيلا شي حد اللي سرب السر,اللي عجبني فيه انك تديريه غير مرات قليلة وماشي ديما,لاني من الناس اللي تيقول ليهم العجر: ماما.

 

المكونات:

ابيض البيض

عصير الحامض

العسل

والسر اللي ربما تيجهلوه بزاااااااف منا

الاسبيرين

نعم الاسبيرين ديال الراس,مااااااشي هاداك اللي تيفور,تنقصد هاداك اللي تيمكن ليك تدقيه ويولي غبرة بحال الدقيق..عرفتوه

الطريقة

تناكد بان العسل تيخفف شوية من مفعول الحامض..يعني واخا تكون بشرة جافة

واللي عندو بشرة حساسة ولا عندو حساسية من البيض,يحيد بمرة ابيض البيض يخلي غير المكونات الاخرى

تتشدي ابيض البيض تخلطيه مع شوية الحامض وشوية العسل ومن بعد تجمعي الماسك بالاسبرين مدقوق

انا راه فايت جربتو,الحمد لله كان اللي تيشوف وجهي تيسولني اشنو دايرة لوجهك..

ثلاث مرات فالسيمانة الاولى,جوج مرات فالسيمانة الثانية,السيمانة الثالثة يكفي فقط مرة وحدة..حتى لشوية وقطعيه بمرة
يسحاب لهاد الوجه غادي نبقاو غير مقابلينو..راه عندنا ما يدار