لي كيعاني من الام الظهر والمفاصل جبت ليكم الحل والشفاء من عند الله سبحانه
سلام حبيباتي نتمنى تكونو في احسن الأحوال
جبت ليكم وصفات طبيعية ورائعة بالنسبة للناس لي كتعاني من الام الظهر
شوفي الوصفات وجربي الطريقة لي تبان ليك تقدري عليها وبالشفاء ان شاء الله
الطريقة الأولى
ديري سكينجبير الخضر تقطعيع أو تحوكيه وديره في مكان الألم وضع فوق منه زيف وأربطيه
ومباشرة دخلي فالغطى ونعسي
الطريقة الثانية
جيبي بكية ملحة ديال الطبخ وغير تجي تنعسي
سخنيها في مقلات وعمليها في فوطة وديها معاك للفراش
سرحيها ونزلي عليها ضهرك بشوية بشوية يكون لحمك فوق الملحة مباشرة
وحيت تحسي راك قدرتي تتحملي حرارتها نعسي فوق منها حتى تبدى تبرد وحيديها
ونعسي وما تخرجيش من الفراش
دري هاذ الوصفة لمدة 3 ايام و بالشفاء ان شاء الله.
الطريقة الثالثة
ديري راس ديال الثوم مع نصف لتر ديال زيت الزيتون فشي قرعة وخليه فشميشة لمدة 20 يوم حتى يطلقو مزيان
ومن بعد هزي شوية من داك زيت ودهني به العمود الفقري وأماكن الألم
ونتمناو الشفاء للجميع