ONI لكي كيتباع ب13 درهم عندي ب 3 دراهم…دخلوا تعرفوا كيفاش
الطريقة ساهلة في متناول الجمييييييع
نبداو لتر من الماء انا عبرت بالقرعة ديال oni
كاس ديال سانكوا ديال العبار الى بغيتو عوضوه بساشي د سانكروا ديال درهم و بالعطر لبغيتو انا ستعملت عطر الورد و بعد المرات كنشري عطر المسك حتى هو زوييييين
و البطل ديالنا هو هذا الصابون لكيتباع عند المحلات لكيبيعوا مواد النظافة و كتلقاوه مجود كل كورة بدرهم انا عملت جوج دراهم
نخلطوا الجميع ماشي بزاف باش متقتليش مفعول الصابون غير تبداي تعجنيه بيديك حتى يندامج في شي جبانة كبيرة
خليه حتى يدوب و عمري القرعة ديال oni
نصيحة كيعجبني جاري شوية يمكلك ديري لتر او قل انت و واش حابة
و بصحتكم القرعة 1.25l
القرعة ديال oni الحقيقية كتبقالي 20يوم هذا كيبقالي كتر
جربوه و ردوا عليا الخبار و كينفاع لكولشي من غير التصبين و مزياه انو مكتضيعيش بزاف ديال الما في تشلال
دعواتكم والى الملتقى
اختكم في الله حمامة من أناقة مغربية