جابلي راجلي طاجين جديد وهاشنو درت ليه منها مبقاتش فيه ريحة الطين ومنها حافظت عليه ميطرطقش فوق البوطة أو المجمر

الاسبوع الماضي جابلي راجلي طاجين جديد من النوع العادي

وباش ميتبقاش فيه ريحة الطين ونحافظ عليه ميطرطقش فوق البوطة او المجمر شوفو معاي هذه الطريقة:

كنحك فوسطه بصلة بالحكاكة الغليضة وخويت شوية زيت و بقيت كنحك الطاجين جيدا بهذا الخليط من الداخل

ثم نفس العملية حتى للغلاقة

ثم نعاود نرجع للطاجين نلقاه شرب،ونعاود العملية ونرجع ثاني للغلاقة حتى يشربو مزيان هكذا

ثم نعملهم فوق البوطة على الوجه الداخلي وعلى نار مهيلة

ونبقا ندورو باش توصل العافية كل الجهات للطاجين وحتى الغلاقة وهذي النتيجة دابا جاهز للطياب