علاج الشرخ الشرجي fissure anale في أقل من 3 أيام وعن تجربة
السلام عليكم ورحمة الله وبركاته
اخواتي كنت كنعاني مدة طويلة من الشرخ الشرجي كاين لي كيجيها بالولادة وكاين لي كيجيها بالامساك انا جاني بالامساك في البداية كنت كنسيل بالدم ومكنتش كنتقصح بزاف لكن اخر مرة مشيت نموت بالحريق محليت ما درت لدرجة كنت غدي ندير عمل بالليزر الا انه سبحانه ربي ييسر لي العلاج على يد واحد الطبيبة و الغريب ان العلاج بسيييط جدا فقلت نفيدكم اخواتي ولي ملقاتش على هادشي من 3 ايام الاولى ضروري تشوف طبيبة لانه الله يحفظ فاش كيبدا الالم متقدري توقفي او تجلسي او تمشي للحمام اعزكم الله
غتسمحولي على المفردات لاني غدي نشرح كيف وصفات لي الطبيبة
اولا غدي نحستاجو لنظام غذائي المكون اساس من الاتي :
شلادة ديال الخص وحاولي تكثري منها هي و المعدنوس الى 3 مرات باليوم باش الكرش تترخف
عصير الليمون
ياغورت
هادو اساسيين يكونو بماكلة ديالك و في اول يوم ممكن تستاعني بملين للبطن بحال اوكاربون او ايبانات لكن من بعد بلاش باش كرشك متولفش عليه
نجيو للعلاج بالدوا وضرووووري الطريقة باش متتسديش
غدي نحتاجو بوماد ديال طياب ميطوزيل mitosyl
betadine
gant ليكات
الطريقة
تكوني ناشفة مزيان غتشدي كوطون تيج كبي فيه بيطادين ودخليه داخل شوية مكان الجرح باش تتعقم لانك الداخل كتكوني مجروحة بالتالي اي ميكروب الله يحفظ ممكن يسبب التهاب وتولي في مشكل اخر
او خودي دوا الاحمر لي كيترش
فاش كتعقمي هزي ليكة حتى هيا عقميها ودهنيها بالبوماد مزيان صبعك كلو وبداي كتهشي بشوية حتى يدخل صبعك كامل دخلي وخرجي دخلي وخرجي
لاش هاد الطريقة لان البلاصة كتبدا تتسد ليك والله يحفظ الى تسديتي غدي تبرا الجرحة وانت مسدودة يعني مجرد تبراي تبغي تمشي للحمام وتكون كرشك مهياش غتعاودي تتجرحي وشي كدرتيه هدا لاش العملية مهمة بزاف باش تبراي وانت موسعة لان صاحبتي برات وهيا مسدودة دابا تعاني الامرين
وهادي هضرة بروفيسور سمحلولي على الوصف لكن معنديش طريقة اخرة
تبقاي بهاد الطريقة يوم او 3 حتى تبراي الاهم بغدي على اي حاجى ادير امساك
الله يجيب الشفاء للجميع