بغيتي تخملي الكوزينة بلا تمارة…دخلي المعجازة عندي ليك حل غيهنيك
اكتر حاجة كتفقس في الكوزينة هي الدهون اللي كتكون لاصقة فالزليج ديال الحيط و السقف و الزاج وووو و صعيب يتحيدو و لكن انا بطريقتي مكنتعدبش و الله كنديرها بحال اللعب و كتولي تلمع بيما كيطيب الغدا كنكون ساليت
اولا هاد القضية اللي غدي نقوليك كنستعملها النهار اللي نكون دايرة كوكوط باش النفس ديالها يساعدني بحال الحمام ههههههههههههه كنسد الشرجم ديال الكوزينة و الباب كندير الليكات باش نحافط علي يدياتي هههههه هما الاولين
و كنجيب الكراطة وكنجيب الشيتة الحرشة
عندها العصا ديالها كدير غير 13 درهم تطلي عليها مزيان صابون بلدي مع جافيل بلا متعمري الكوزينة بالما حاولي غير تطلي الكوزينة هداك الصابون بهديك الشطابة و انتي كتحكي شوية و خليه فيها شوية
غدي تجيبي هدوك الطراف ديال الجيكس بحال موكيط كيكونو بالالوان
كدوريهم للجفافة و تشديهم بشي فلول ديال الحوايج
باش ميطيحوش و انتي كتحكي انا بعد المرات كندير بلاصة هدو الجيكس الغليط لشي بلاصات خاصة فوق الفرن ديال الطياب كنلصقهم مع الكراطة و نحك الحيط دغياااااااااااااا كيحيد الدهون
و نجيب شي شيفون نقي و معصر مزيان و نمسح بيه هداك الصابون و نكرر الغملية حتى يبان لي الحيط كيلمع
و نعاود بهادو راه كيتباعو عند مالين مواد التنظيف هما كينشفو مزيان هما بحال الجلد راه سميتو
PEAU DE CHAMOIS كيتباع عند مالين ادوات التنطيف و في المتاجر مخير للزليج و لجميع انواع التنظيف
االاسطح الخشب و لا الزاج اي شيء كيحيد الغبرة بلا ميخلي اتر المسيح و السيارة كدلك مزيان ليها
صافي كيبقى ليك غير التلاجة الى كنتي كتنطفيها ديما متلقايش معها مشكل هي و الفرن كيبقا غير تعاودي تنظمي الماعن و تمسحي البلاكارات هداكشي ماشي صعيب دبا كلنا كنستعملو مواعن اينوكس و ايلا عندك ماعن الالومنيوم صلي ليهم صابون بلدي و خميرة و سيري تغداي و رجعي ههههههه
ليهم و صافي ضربيها ليك بشي تجفيفة نقية و هانتي ساليتي من الكوزينة