بغيتي مريقة خاترة و لذيذة دخلي عندي واحد السر و عن تجربة
السلام عليكم الحادكات طبعا اغلبيتنا كانوجدو المرقة يوميا خصوصا في الغدا.
انا اكتشفت واحد اللسر باش تكون المريقة ديالك خاترة و بنينة اوا دعيو معايا باش نقولوليكم.
شوفي يا لالا ملي تبغي تنصبي دري البصلة هي الاولى مع التومة تقلا شوية عاد زيدي قطع اللحم أو الدجاج حتى هما يتقلاو بدون عطرية وقبل ماتمرقي الطاوة ضيفي معلقة ديال الدقيق وحركيها مع البصيلة و التومة حتى هي واحد 3 دقايق عاد زيدي
الماء و العطرية و الربيع.
قد يعجبك أيضا
هادشي اللي لاحضت كايديروه الطباخين الكبار من خلال متابعتي لبرامج الطبخ و ملي جربتو فعلا نتيجة رائعة.
أولا الدقيق باش تجينا المريقة عاقدة.
ثانيا العطرية و الربيع ماخاصهومش يتقلاو باش مايتحرقوش.
انا شخصيا ولات هدي هي طريقتي اللي مانستغناش عليها