المرقة كتجيك خفيفة وما لديداش؟؟ دخلي عندي ليك الحل وبالصور
ان شاء الله نقدم ليكم طريقة تحضير المرقة ناجحة 100%
وهو سر من اسراري الشخصية وحبت نزل ليكم باش تعم الفائدة وخصوص كنجبر شحال من أخت عندها مشكل في تحضير المرق يا إما كتجيها خفيفة بزاف او ما لذيذاش او رحتها ما كتشهيش
لكن من الان ان شاء الله ما كينش هاد المشكل
ملاحضة قبل ما نبداء
وهي ان هده طريقة تصلح لجميع انواع المرق
مقادير كيرجع لكل وحدة فيكم أش او قدش بغا تحضر نتاع المرق
ولهدا غادي ندخلو في طريقة مباشرة
نخدو طنجرة او حسب كل وحدة فيكم فاش كطيب
كنوضعو فيها اللحم او دحاج كما هو واضح
كنضفو له العطرية انا كنستعمل كل من
ابزار+سكنجبير+خرقوم البلدي+ خرقوم الرومي +ملح +كاس ماء
كنعملو طنجرة تتشحر على نار متوسطة او مهلة احسن
كنخدوالربيع و بصلة
كنقطعها ونعملها في مولانكس
ونطحنو عناصر مزززيان
ولما يتشحر اللحم ويصبح فحال هاكا
كنضفو ليه الخليط اللى حضرنا
وعاااد نضفو القدر كااافي نتاع الزيت
وهنا سر
ونتركه يغلي شوية ونضفو ماء لقدر اللى بغينا بلا ما نخفو ان مرقة غادي تجي خفيفة
هنا اللحم طااب
شاهدو كف هي المرقة
من بعد كنضفو الخضرة
انا عملت الوبيا وكما كتعرفو ان الوبيا كتحتج مطشة بزيد شوية
ونضفو شوية ماء عاود ونتركها طيب مرة اخرى
ها هي وجدات
شوفو كف هي المريقة كتجي وقفة اما مداق منقولاكمش كتشفه بنفسكم ان شاء الله
بالصحة ورراحة
مرحبــــــــــــــــــــــــا بيــــــــــــــــــــــــــــــكم
