دجاجة محمرة بلا ماء بلا زيت مع الفيرمسيل شهوة منها…اكسري الروتين
إليك يا لالة طريقة أخرى لتحضير الدجاج المحمر بدون ماء أو زيت، والمذاق لا يوصف…جربيها وستعجبك بالتأكيد.
المكونات
دجاجة ومعلقة موطارد والكامون وابزار والملح وكنور وتحميرة ،وزدت السودانية حارة والقزبر يابس مطحون ودهنت الدجاجة مزيان وبيتها مشرملة.
من بعد درتها تطيب على عافية مهيلة بزاف ومرة مرة تنحرك، وبعد ما طابت راه كتطلق الماء ماتخافوش منها
شوفو اشحال ديال الماء طلقات
من بعد انحيدو دجاجة ندخلوها الفران تحمر
والماء اللي بقا انديرو فيه لقيرميسيل
ونوجدو الربيع والزيتون مقطع والحامض والحار اللي تيبغيه والكبدة قليتها فشوية الزيت والملح وابزار والبصلة
تنديرو بصلة تشحر امعا الزيت والملح وابزار
تم نضيفة الربيع والحامض والزيتون والكبدة
وهاهي بعدما وجدات كتجي لديدة بزاف وتنبدلو شوية من طعم الدجاج المشرمل المغربي.
بالصحة و الراحة.
