حريشات منسمين ساهلين و لذاذ

المقادير

نصف كيلو سميدة رقيقة مغربلة
ملح
خميرة كيماوية واحدة
م ص خميرة جافة او طرية (انا كندير جافة)
نصف كاس زيت زيتون
ما بين 350 و 400غ حليب

للحشو :

150غ جبن ابيض + حبتان من جبن الدهن مثل لافاش كيري + م ص زيت زيتون + 15 حبة زيتون اسود مقطع قطع صغيرة + م ك زعتر محكوك + م ك شبت + م ك ازير مقطع صغير + شوية بزاف ملح وشوية من 5b ادا بغيتوا طبعا او بلاش ادا ماكانش موجود ماشي مشكل

الطريقة :

نبسبس بالفورشيط او المعلقة السميدة مع ملح والزيت بلدية ومن بعد نزيد الخمائر ونجمع بالحليب حتى تولي العجين مجموع ولكن مرخوفة شوية
نخلط بالفورشيط مقادير الحشو
ناخذ م ك عامرة مزيان من خليط السميدة ونديرها في وسط الكف ونفتح من الوسط وندير م ك حشو ونجمع الجناب عليه. نحط السميدة في مكان العمل ونحط عليها الكورة ونبقى ندور فيها ما بين يديا باش الجناب يجيوا مفينيوا مزيان ومن بعد نبسطها من الوسط براحة اليد. وهاكا تجي مكورة ومزيانة من الجناب بحالي دايراليها شي مول
نحطها في مقلة على نار خفيفة ونبقى ندورها على الحهة الاخرى حتى تحمر وتطيب
كتجي هائلة وزوينة ومنسمة مزيان وخصوصا منين كنستبدلوا زيت عادية بزيت الزيتون كتجي غاية (الشكارة راسها يالله دازت من هنا)
بالصحة والراحة