كيكة اقتصادية بالحامض و الكوك كتجي رائعة المذاق و كذوب فالفم
مقادير الكيك
3 كؤوس من الدقيق
4 ملاعق صغيرة خميرة الحلوى
ملعقة صغيرة ملح
6 بيضات
كأسان من السكر
1 دانون طبيعي
1 كاس عصير التفاح
1 كاس زيت
قشور 4 حبات الحامض
1 ملعقة صغيرة اروم الحامض ( زيت الحامض )
3 قطرات ملون اخضر
1 كاس كوك
مقادير سيرو الحامض
2/3 كأس عصير الحامض
2/3 كأس من السكر
مقادير الكلاصاج
4 ملاعق كبار عصير الحامض
كأسان سكر كلاصي
كوك مبشور للتزيين
طريقة تحضير كيكة بالكوك والحامض جد لذيذة
نسخن الفرن على درجة حرارة 350
وندهنو المول اللي غنوضعو فيه الكيكة بالزبدة
نضع الدقيق والملح والخميرة في اناء كبير
في اناء اخر نضع البيض والسكر ودانون وعصير التفاح والزيت و قشور الحامض واروم الحامض ونخلطوهم مزيان
ونكبو الخليط المحصل عليه على خليط المكونات الجافة ثم نضيف الملون الاخضر ونخلطوه مزيان
ثم نزيدو الكوك ونخلطوه تاني مزيان
نخويوه في المول وندخلوه الفرن باش يطيب لمدة ساعة
كنحضرو السيرو وذلك بوضع كل من عصير الحامض و السكر في كأس للقياس وتسخينه في الميكروويف أو ندفيوه في كسرول
ملي كتطيب الكيكة ديالنا كنخليوها تبرد لمدة 5 دقائق
ثم كنصبوا السيرو اللي صايبناه عليها من الفوق
باش تمتصوا الكيكة ديالنا وتولي رطبة
كنخليو الكيكة ديالنا تبرد لمدة نصف ساعة ثم كنقلبوها على طبق التقديم
كنحضروا الكلاصاج بخلط عصير الحامض والسكر كلاصي ملي تبرد الكيكة كنزينوها بالكلاصاج من الفوق وشوية ديال الكوك
وهاهي كيكة بالكوك والحامض