كيكة فازكة بالكاكاو والشكلاط

هاد الكيك ديال الشكلاط سهل و لذيذ و كيصدق مائة بالمائة راني معتمداه هادي سنين و عمرو ما حشمني
هاد الوصفة هدية للغالية على قلبي أم يحيى
نبداو بسم الله المقادير نحتاجو :
كأس العنبة ماء بارد + كأس عنبة زيت + كأس عنبة سنيدة + باكية كاملة ديال كاوبيل
2 كيسان عنبة دقيق + 3بيضات + 2 خمارات

نخلطو في البداية في كاسرونة نوضعو :اكأس الماء + كأس الزيت + كأس السنيدة + باكية كاوبيل

نضع الكل يغلى فوق النار حتى تظهر لينا الفقاعات
لما يغلى نزولوه من فوق النار ثم نقصو من الخليط مقدار كأس ديال العنبة غادي نحتاجوه في الأخير للسقي
في باقي الخليط نضيف بالترتيب ، ضروري جدا احترام الترتيب
نضيف الدقيق أولا ثم البيض بيضة بيضة ثم في الأخير الخمارات
لأنه إيلى ضفنا البيض من الأول غادي يطيب لينا لأن الخليط سخون
لما كنضيفو الدقيق الخليط كيعقاد عادي طبعا باقي غادي نضيفو البيض
نضيف الخمارات في الأخير غادي تلاحظو بأن الخليط فيه فقاعات فمنحركوش بزااف باش منهرسوش فيه الخميرة القدر اللي تخلط و الخليط لونو غادي يتفتح طبيعي جدا
نكبوه في طاوة دالفرن و نهزو يدينا بزااف للفوق باش يتهوى الخليط
لما يطيب الكيك ديالنا نسقيوه بالكاس اللي نقصناه و إليكن الصور

و هنا الكيك ديالنا سقيناه و زينتو بالكركاع مهرمش و درت عليه خطوط من الشكلاطة
و إليكن الصور