كراتان الكريب بالكفتة والبيشاميل والفرماج

تعد صينية الكريب باللحم المفروم من الأطباق الشهيّة التي تحتاج إلى دقّة في إعدادها، وهو طبق مفيد ومحبّب للصغار والكبار. الكريب عبارة عن عجينة يمكنك صنعها في المنزل وحشوها باللحمة المفرومة المبهّرة أو بأي حشوة تختارينها، وتحمير وجهها قبل التقديم، وهي وجبة خفيفة على المعدة لا تسبّب أي ضيق ويمكن تناولها بين الوجبات الرئيسية، وسنذكر في هذا المقال طريقة إعداد وصفة طبق الكريب باللحمة المفرومة وصلصة البيشاميل.

المكونات والطريقة:
كناخد زوج كيسان كبار ديال الحليب السائل،كنديروهم في الخلاط الكهربائي، كنضيف زوج حبات ديال البيض وتقريبا ربع كأس زيت الزيتون( اللي بغات دير الزبدة ديرها أنا في المملحات كيعجبني نخدم بالزيت البلدية).شوية الملح.ابزار. كنطحن كلشي،كنبقا نضيف الدقيق الابيض بالتدريج حتى يولي كريمي،ثم كنطيب الكريب فمقلاة مكتلصقش.
صلصة البيشاميل:
فكاسرول كندير ملعقة دقيق ابيض،معلقة زيت الزيتون أو ملعقة زبدة اللي بغيتو،نديرهم فوق النار ونحرك حتى يمتزج الخليط،كنضيف الحليب السائل بشكل تدريجي.درت تقريباً نصف لتر تقريباً بغيتو اكون خفيف ماشي ثقيل(في العادي راه معلقة معلقة كيمشيو مع ربع لتر حليب)،كنحك ضريس ديال الثوم في البيشاميل،غي زيدوها على ضمانتي وخليوها بيناتنا واخا هاد الحيلة كنت قلتها لكم شحال هادي ،كنتبل بالملح والابزار ( اللي بغات تزيد رشيشة ديال الݣوزة ديرها)،فاش كيعقاد كنطفي البوطة عاد كنضيف الفروماج الاحمر محكوك القياس اللي بغيتو والنوع اللي بغيتو.
الحشوة:
خديت بصيلة حتى قطعتها مزيان درت معاها واحد البورو،درتهم في مقيلة ضفت زيت الزيتون وتبلت بشوية ملح.ابزار.سكنجبير.خرقوم.قرفة( فينما درتو حشوة بالكفتة ضيفو شوية القرفة)حتى هادي حيلة كنت تقاسمتها معاكم شحااااال هادي)،نخلط مزيان،وكنضيف الكفتة،وفاش طابت ضفت شوية من صلصة الطماطم او الطماطم المركزة(أي صوص معتمد عندكم)بحال ايلا غادين تصايبو صوص بولونيز غي هادي مافيهاش الجزر والكرافص.

كناخد المول كنلبسو بورق الطبخ وندهنو بزيت الزيتون،كنحط الكريبة الأولى،كندير طبقة من الكفتة والصلصة ،كندير فوقها صلصة البيشاميل،ثم طبقة من خليط أجبان ديرو أي نوع متوفر عندكم(أنا هنا درت الݣودا ديال الابزار والبيسطو الحار)،كنغطيها بكريبة ثانية وهكدا حتى نكملو الكمية كلها،ثم ندخلوها للفرن حتى تتحمر ونقدموها بالصحة والراحة.