وصفة سريعة لوجبة العشاء كراتان بالبطاطا والكفتة

الوصفة سهلة ورائعة وكل مكوناتها موجودة في كل بيت.بسم الله نبداو

كنشحرو البصلة مقطعة في شوي زبدة ونزيدو عليها الكفتة

كنزيد عليهم خيرو محكوك و البورو نخلوهم يتقلاو

و نزيدوالقزبر، الملح و الابزار، التحميرة وكنور

منين تطيب الخضرة كنزيدو عليها الروز مسلوق

كنقطعو البطاطا دوائررقيقة ونقليوها

في صنية الفرن كنغلفوها بورق الطبخ و نستفو عليها طبقة ديال البطاطا

ثم 2/1 خليط الكفتة،الروز و الخضر

من بعد كنوليو نديرو طبقة تانية من البطاطا ونكملو بالنصف الاخر من الكفتة،الروز و الخضر

والطبقة الأخيرة طبعا تكون ديال البطاطا

ونضربو واحد 3 بيضات مع الملح ونكبوهم فوق الطارطة

وندخلوها الفرن 182د مدة 1/2 ساعة

و منين طابت انا رافقتها بكباب الكفتة(كتاخدي كفتة مشرملة وكديريها حرابل وكتخشي فيها اعواد الخشب وكتشويها )