تبريمة الحمام بالصابون البلدي والازير لتبييض الجسم

سلام بنات بما أن اليوم خاص بالعناية بالنفس و الجمال غادي نشارك معاكم روتيني لتحميمة دايزها الكلام
بالنسبة للشعر : كندير ليه زيت الفلفل و كندير مساج لشعري و أنا مهبطاه القدام ‎ أكناخد الماء ديال البصلة و سكنجبير طري من بعد ما حكيتهم و صفيتهم كنفزگ شعري مزيان بهم أكنغطيه بسولفان و فوطة مفزگة بالما سخون كنخليهم ساعة و نص فاش كنغسل شعري في الآخر كنشلل بالما ديال الزعتر و أزير فاش كنشف شعري من بعد الحمام كندهن بزيت الكوك
‎بالنسبة للجسم : أول حاجة كندهن بالصابون بلدي ديال أرگان مخلطاه بالعكر الفاسي
‎ثاني حاجة كندير التبريمة فيها ( الحنة-أزير-الخرقوم عرق-العكر الفاسي-الصابون البلدي-الما سخون) كندهنها أكندخل للصونة نسخن مزيان و أنا كنماصي بإيدي من بعد ١٠ دقايق كنبدا الحكان
‎إيوا ثالث و آخر حاجة هيا داك الكريم غزااال كنديرو فاش كنكمل ( الطين الأبيض- النشا- ماء ورد – جيل دوش اللي كتستعملو ) كندهنو كنخليه حتى ينشف شوية أكنغسلو
‎إيوااا منعاودش لكم على البيوضة و الرطوبية اللي كتخرجو بيها يلا حيدو العگز.