بالصور والمقادير:عراضة مصخمة من داكشي الرفيع…اطباق شهية كتحمر الوجه
عراضة راقية بالمقادير والصور من تحضير Riham Talbi
مقادير المحنشة :
كلمار
كروفيت صغير وكبير لتزين
حوت بيض هبرة ميغلا
صدر ديال دجاج
جزر محكوك
شمبينيووو
فلفل حااار احمر
فلفل الوان
سوريمي
بصل
قزبر ومعدنوس
ورقة دبال كنافة ماشي ورقة بسطيلة ديالنا غاادي نزل صورتتها
توابل : بزار سكنجبير زعفران فلفل احمر ملح
و ملح صينية كنور سمك وتوابل دجاج كتكون ملحة غادي نزل صورتها وزيت زيتون
طريقة
خديت معدنوس وقزبر ومعاهم ععطرية وخلطهم بزيت العود وشوية ماء وبقيت نخد شوية من شرمولة وشحرت بها حوت كل حاجة بحدها كلمار متكتروش ليه طياب باش ميقصاحش
شحرت كروفيت
شحرت دجاج
شحرت فلفة مع بصل
شحرت شمبينيو
وشعرية صينية طلقتها فماء سخون
وخديت بانيو وخلط فيه كلشي ماعدا سوريمي وحوت ابيض من نكون نلوي محنة نط شوية شوية وزدت شوية من توابل دجاج
وبديت نقرق لورقة كتكون مستطيلة نطويها على جوج ونحط حشوة ونلوي لورقة نكون موجدة صنية فرن حطا فيها ورق زبدة ونبقا نلوي كل ورقة بحدها و نلوي وحدة على تانية حتى نوصل حجم صينة وندهنا بزيت ونغطيها باش ماتنشفش وتبات حتى غدا ونطيبها بوقت قصير من التقديم و كروفيت الي زينت بيه شحرتو فالزبدة و زعتر وملحة و ملح صيني.
فالكوكوط درت اللحم حوالي 3 كيلو
درت عليه 3 بصلات مقطعين على جوج
قبطة معدنوس غير عقدتها مامقطعاش
ملح
ملح صينة بكمية كتيرة شوية
بزار
زعفران
جوج كؤوس ماء
4 كؤوس زيت
ونسد كوكوط حتى يوجد ونهندو بزبدة مزيان وندخلو الفران يتحمر.
وخديت ورقة لومبيا و درت وسطها مشماش مجفف مصلوق و درت وسطو برقوق مسلوق مرفوسين ولويتها وبيتها فكونجيلاتور من بعد قليتها و قطعتها ودرت وسطها لوزة ومطيشة مقلية فالزيت وملحة.
بالنسبة للمقبلات ،هداك دنجال مقلية عادي فوقها فلفل صفر واحمر مشوي ومقطع طويل وقليتو فالزيت والملح ولويتو بحال تتشوفو فالصورة والوسط تكتوكة الفلفل العادية.
