عراضة الحوت لدارنا العزاز بالتفصيل والصور ….مرحبا بمحبين السمك
نهار الجمعة عيطت لماما واتفقت معاها باش يجيو عندنا يوم السبت وقلت غادي نعمل لائحة بالمشتريات لاعداد عراضة بالحوت لان بابا كيعجبو الحوت ومن الاطباق المفضلة خصوصادا كانت مطيبة على الناشف ف الفرن او الابلانشا وعزيز عليه الاطباق الدوقية وما كيحملش التغماس وبغيت نفرح بيهم قدر الاستطاعة وخصوصا ماما الحبيبة الي ديما جامعانا وكتوجد لنا فكنبغي مرة مرة نضايفهم ونعاملهم احسن من الضيوف ونريحهم يوم الجمعة ف العشية بديت ف التحضيرات وجدت فويطات البيضين الي غادي نستعملهم فوق الطبلة باش يحطوهم على رجلم وشللتهم ف شوية المعطر الملابس باش تكون فيهم ريحة منعشة جبدت كلينيكس احمر خاص للعراضات وجدت خليط من الما ومعطر الملابس والامونياكو مخفف وعملتهم ف رشاش ورشيت الزرابي تم شيت بالشيتة وخليتهم ف البالكو يضرب فيهم الهوا وف الصباح السبت صبحت عليهم الشمس وجدت طباسل التقديم الفردية وشللتهم وكيسان الما والزلايف والفورشيط والمواس هاد الشي حاطاه قريب لي وكانو نقييين ووجدت خليط ايضا مع الما الساخن وغلاقة المعطر كنستعمل memosin الازرق ورشيت رشات خفيفة على الصالون والستائر والطابي الحمامات وبيت الجلوس وبيت النوم المهم كلشي حيت اصلا عندي نقيين غير باش كنعطيهم شوية الانتعاش وكتطلق الريحة مزيانة ف جميع قنات الدار حسن من معطرات الجو وف الشموع والورد المجفف وف الفوطات الخاصين بالحمام كنجبدهم عندي مخصصين للعراضات كنبدلهم وكنرش بمعطرت زيتية استعملت ريحة الخوخ
عراضة للاخت اناقة طنجاوية.
هاد القلة هي الي وليت معتمدى للماء لانها صحية وكيجي الما كانه من العين ماشي د الصنبور خصوصا ملي كنضيف معاه اوراق الرند رااااااااااءع
الزيوت العطرية
القائمة الي قررت نوجد كالتالي للمقبلات :
شوربة البورو والنودلز التايلاندية
كويسات صغار فيغين مشكل مع طبق مشكل من سيكار الاجبان لانكوستين كلامار مقلي خبز التوست مدهون بالبيستو الريحان ومحشي بالداند مدخن ومقطع متلتات كنت ناوية نزوق بالسوريمي ف عويدات لكن نسيتو بقا ف التلاجة .
الطبق الرئيسي
حوتة معمرة بالشعرية الصينية ومشرملة بصوص الياكي الصينية ومطيبة ف الفرن مرافق بالخضر مقطعة جوليان وصوطي ف المقلاة ومقدمة مع الصوص وطبق جانبي ستيك الدجاج بالكريمة والبصل والفطر
الديسير
بافلوفا الايطالية بالمورانغ والكريمة والفريز والفرمبواز والعنبية وحبات الكيوي مزينة بعويدات الفواكه دزت للكوزينة قلت نوجد كديسير بافلوفا ونزين بالفواكه وجدت طبقة الالاولى المورانغ ووجدت ايضا الورقة وسيكار الجبن و غطيتهم و خليتهم ف التلاجة حتى الغد عاد طيبتهم ف الفرن والغد فقت باكرا وفطرنا وانا بديت ف التحضيرات الاطباق وخرج زوجي يتقدا الي ناقصني ويشري الفواكه والخضر وباقي المشتريات الي كتبتهم ليه ف الليل
والصور توضح
تحضير الكويسات
نصف الخليط زدت عليه مايونيز ودانون والنصف الاخر زدت لافوكا وقصبر مقطع رقيق
النوع التاني بالاجبان
ها كويساتنا واجدين غادي نخليهم يبردو وقبل التقديم غادي نقطع خبز العربي لمتلات ونحمرم ف المقلاة التقيلة بدون زيت ونقدمهم
ندوز نوجد الحوت
الصوص
الكروفيت صوطي باش نضيف صوص الصينية وهي الي غنرافق بها الخضر والحوتة
الشربة السريعة
كنقطع البصلة قطع متوسطة والبورو ونشحرهم شوية ف ملعقة زيت وملح وابزار وسكنجبير ونزيد عليهم الما الي غليت فيه قشور الكروفيت ممكن تعملو اي نوع السمك او راس السمك فقط وكنقطع الكرافص قطع كبيرة ونرميها ف الصوبة وكمشة كروفيت اختياري و كنضيف النودلز الصينية او باكيت الاندومي الصيني ديال 3 دراهم كيجي فيه 2 ساشيات ساشي النكهة الجمبري ومعاه ساشي السوداني كنخلطم مع ملعقة او 2 كبار ديال النشا مدوبين ف شوية الما وكنور الحوت و كنعملهم ف الطنجرة تغلى الطنجرة وهاهي واجدة ف نص ساعة او اقل
بديت ف بتزيين الطبق
خبز التوست بالبيستو
الكلمار ما صورتوش المهم قطعتو دوائر والراس قطعو طويل وعملت بالملح والابزار ومرمدتو كله ف الدقيق وعملتو ف التلاجة باش يلصق عليه الدقيق حتى لقبل التقديم عاد عملتوف الطحين مرة اخرة وقليتو ف كسرول صغيرة
للبافلوفا مونطيتا الفريز عملتلا ملعقة كبيرة السكر وخليتا شي ساعة عاد ستفتا فوق الكريم وداك السيرو الي طلق من الفريز عملتو من فوق
الاطباق الرئيسية
الديسير
