عمركم جربتو بداز ديال الحوت؟دخلو تشوفو وصفة كتجي رائعة ماتشبعوش منها

السلام عليكم ورحمة الله وبركاته
اليوم جبت ليكم وصفة بداز بالحوت ..بداز هو كسكس الدرة..ومنطقة اكادير والنواحي كيديرو هاد الشهيوة وكتجي غزالة وبنينة ..نخليكم مع المقادير والصور

وصفة للاخت تقية

]

1-كنحتاجو سمك كبير يعني ليكيدار فالفرن

]

2-كنشرملو السمك ديالنا بالقزبور والمعدنوس+ثوم+عصير حامض+تحميرة +ابزار +كامون+ملح+ضامة بنة سمك+عطور السمك اختياري

]

3-من بعد كنقطعو الجزر واللفت والبصل ونستفوهم تحت السمك ونضيفو الزيت ونوضعو الطنجرة فوق النار

]

4-من بعد ميطيبو شوية كنضيفو الكورجيت وطماطم محكوكة..ومرة مرة نطلو الى كان خاص الما نزيدو غير شوية لان الحوت كيطلق الما والخضر كدلك..ملي يطيب كنستفو طراف ديال الحوت فوق بداز المسقي بزيت الاركان ونستفو فوق منو الخضر ونسقيو بالمرقة