البارح كانت الخطبة ديال اخت راجلي و صايبتليهم الدجاج معمر ومحمر فالفران..جا روعة وكيحمر الوجه قدام الضياف

الغزالات جبت ليكم عراضة  رائعة ديال الخطبة من تحضير الاخت سهام  مع طريقة تحضير الدجاج المعمر ومحمر اكيد كيجي رائع فالمذاق.

مقادير الدجاج:

غادي نحتاجو دجاج يكون قل من 2 كيلو باش يجي فتي وبنين،ربيع وثومة والحامض مصير،عصير حامضة،شوية الهريسة،سمن ،موطارد،تحميرة،ابزار،كمون،سكينجبير،الملح،هاد الشرمولة غادي تقسموها على 2 ،نص الاول نشرملو بيه الدجاج مزياان من الداخل ومن برا،والنص الثاني زيدو عليه روز مصلوق نص صلقة وزيتون مقطع،كورنيشون محكوك وبصلة مشحرة فزيت،نضيفو معلقة كبيرة هريسة وزيت العود،نخلطو كولشي ونعمرو بيه الدجاج،وتقبو الدجاج باش تدخل ليه الشرمولة ،هادشي ديروه ليلة قبل وخليوو يبات باش يشرب الشرمولة،بالنسبة للطياب غطيوو فبابيي الومينيوم  و دخلوه للفران على خاطرو ،ملي يطيب دهنوه بشوية الزبدة مخلطة مع الموطاردو بالصحة والراحة.