جبت ليكم الطويجين لي داير حالة هاد الايام فالفايسبوك…جربتو جا بنين  بزاف متشبعوش منو

حبيباتي اليوم جبت ليكم واحد الطويجين تشهر بزااف فالاونة الاخيرة بين البنات ولكن راه رائع وكيستحق غير جربوه ومغديش تندمو.

المقادير:

بصلة متوسطة مشلظة

4 بطاطات مقطعين دوائر

زيت الزيتون وزيت المائدة

قزبر ومعدنوس

بيض وفروماج مربع

ملح ،ابزار،خرقوم،زعتر،تحميرة

كاس ماء

طريقة التحضير:

غادي تشدي بصلة مقطعة شحريها فالزيت بلدية ورومية،شوية الملح والابزار والخرقوم وشوية الزعتر،ستفي من فوقها 4 ديال البطاطات مقطعين دوائر ورشي شوية الملح والتحميرة،وضيفي ليهم كاس ديال الماء،وملي طيب طربي البيض وزديه على البطاطا ،وضيفي الفرماج المربع وشوية القزبر والمعدنوس وسدي الطاجين حتا يطيب البيض ،وبالصحة والراحة.صدقوني كيجي بنين بزاف وفنفس الوقت سهل بمكونات بسيطة وكيوجد بسرعة.