منين مايكون فيا منشعل المجمر كنشوي فالشواية ديال الضو وكنحصل على النسمة دالفاخر بهاد الطريقة

بسم الله الرحمن الرحيم

جيت نشارك معاكم حبيباتي واحد الطريقة كنتبعها منين ميكون فيا ما نشعل المجمر

إلى بغيتي تشوي فالشواية الكهربائية و تحصلي على النسمة زوينة بحال إلى شوية على الفاخر تبعي معاية:

منين تسالي التتبال ديال الكفتة أو الكبدة أو الحم جيبي كاس صغير ديال أتاي و عملي فيه معلقة ديال الزيت العادية

و وقفيه وسط الخليط اللي عندك و جهزي طرف ديال ورق الأليمينيوم

وإلى ماكانش وجدي زيف و ميكة باش تغطي الصحن ديالك.

وشعلي فاخر صغيرة فوق البوطة و خليها حتي تشعل مزيان و خديها و وضعيها وسط الكاس اللي فيه الزيت

و غطي كلشي بسرعة و مزيان و متخليش الدخان يخرج.

و خليها هكداك حتى يبغي تشوي عاد حلي عليها و حيدي الكاس.

وبلا منقول ليكم على نسمة كديرة. و اللي داقها عندك ماغيفهم والو

إوا جربو و دعيو معايا راها على ضمانتي.