السباكيتي والطكلياطيل!!!اجي تشوفي كيف تعجينهم….من اليوم ما بقاش عندك عذر

مجلة يالالة تقدم لكم هذه الوصفة الرائعة لتحضير السباكيتي والطكلياطيل في المنزل بطريقة صحية وسهلة من تحضير الاخت ام المعتز.

اليوم قلت نزل ليكم طريقة صنع المعجنات في المنزل، بعد اليوم ما بقا عندك حتى عذر تقولي سالات لي السباغيتي ولا الطاكلياطيل ههه،كما انك غادي تبرعي اسرتك بهاد الطعم الذي لايقاوم اممم بنة المعجنات طرية ولذيذة ،ما كاين شي مقادير معينة… كل ما كتحتاجي هو الدقيق نوعية مزيانة والملح والبيض والفرماج (اختياري) ،نخلطو الدقيق والبيض والملح (ما تكتريش حيت ما زال غادي تسلق في الملح) ونزيدو الفرماج سمحو لي ما صورتوش من البداية وزدت بيضة لاني بديت بكمية كبيرة ديال الدقيق
المهم هو انك تبداي غير شوية بشوية من الاحسن تعملي البيض هو الاول عاد تزيدي الدقيق حيت خاصها تجي قاسحة بزاف وتعجنيها مزيان عاد تغطيها و تخليها ترتاح شوية،غير ما تنسايش ترشيها بشوية الدقيق قبل ما دوزيها في الماكينة،والمهم في العملية هو تكوني دايرة الماء في كاسرولة يغلي باش للي وجدتيه تعمليه يغلي،حاجة مهمة هو مللي تنزلي السباغيتي ولا الطاكلياطيل من الماء الغليان تعاودي تغسليها بالماء بارد وتخليها تتسقطر حيت فيها النشا وغادي تتلاصق الا ما تغسلاتش.