طريقة جديدة وساااهلة باش تجمدي شي حاجة بالميكة فالفريكو بلا متاخد مساحة أو تصعاب عليك تحليها

دائما منين كنبغيو نجمدو شي حاجة كنعملوها فميكا بيضاء ونعقدوها .

هاديك العقدة كتصعب علينا نستفو الميكات فالفريكو وكتاخد المساحة.

الفكرة ديالي هي انني كنستعمل ميكا شفافة كتبين كلشي ماشي بيضاء .

كنقطعها على 2 كندير فيها داك الشي لي بغيت نجمد وكنحاول ما امكن نفرغها من الهواء

تم كنطوي جهد 2 سنتيم وندوزها على شمعة شاعلة طبعا وغير بشوية وهاهي تسدات بفعل الحرارة.

كتجي بحال الى مسدودة بالالة الخاصة.

كتولي مستطيلات جميلة ومقادة كندخلها للفريكو تتجمد

تم كنستفها وحدة فوق وحدة حسب كل نوع.

وهاكدا كيولي الفريكو مرتب ومنضم وكلشي فيه باين الى احتاجيت شي حاجة كنمشي ليها قاصدة.
والنصف الاخر ديال ميكا ياك متبعين معايا راه محلول من الجهات بزوج كنلصقو بنفس الطريقة وهو خاوي

تم كنعمرو ونعاود نلصق دائما بالشمعة .

الفي الاول كتجي الطريقة صعيبة ولاكن من بعد كتولي طيري فيها وما تخافيش راه الشمعة ما غاديش تحرقك.
كنضن الطريقة واضحة ولا كاين شي استفسار انا في الخدمة.