رغيفات معمرين بالدجاج و اللوز بطريقة جديدة لشهر رمضان المبارك

الرغايف معمرين بالدجاج واللوز بطريقة جديدة..(للأخت أمة الله )

مقادير العجين:

زلافة طحين الابيض
زلافة طحين قمح (الفينو )
ملح
معلقة صغيرة سكرسنيدة
ماء دافئ
تدلك جيدا ومتكونش مرخوفة خاص تبقا شادة شوية
طريقتي في التوراق كنفرقو بالطحين الابيض ماشي بالقمح

الحشوة

الدجاج
قزبور مربوط
العطرية : سكنجبير+زعفران+ابزار+ملح+عود القرفة+ معلقة صغيرة سمن+معلقة صغيرة سكر سنيدة
زيت
كمية من البصلة مشلظة
معلقة كبيرة العسل
1 بيضة
اللوز مقلي ومهرمش مخلط مع معلقة كبيرة سكر صقيل (اختياري)

طريقة التحضير 

يشرمل الدجاج عادي مع العطرية وبصلة صغيرة مشلظة ونضعه ينضج وعندما ينضج نزيل الدجاج ونضيف البصل مع قليل من القرفة والعسل حتا تشحرات وتعلكات وزدت بيضة باش تجمع تم فتت الدجاج و ويضاف على البصل ونخلط الكل

طريقة حشو الرغايف 

نفتح الرغيفة من الداخل وتعمر بالحشوة وترش باللوز نضغط عليها قليلا وتطوى على شكل مثلث انا مع ضيق الوقت عملت الرغيفات كبار ملي عمرتهم قسمتهم الى قسمين ونضعهم فوق المقلة يتكرملو قليلا وصور توضح أكتر ..
بالصحة والراحة ….