سر من أسرار الباتيسري…باش يجيو حلوياتك أكثر لذة
السلام حبيباتي كيف راكم وحدة وحدة ؟؟
ههه نتمنى تكونو كاملين على خير وبخير
بغيت نشارك معاكم واحد الإضافة بالنسبة للحلوة ديال الباتيسري وكيفاش كيديرو باش كتجي الحلوة ديالهم
بنينة وريحتها كتشهي بخطوة بسيطة وساهلة ولي غنشاركها معاكم فالحين
طبعا حلوة الباتيسري كتعجبنا بديك اللذة الزوينة لي فيها ولي السر ديالها هو الفانيليا السائلة
هاد الفاني كتباع فقريعات صغار بـ 7 دراهم لونو قهوي ناصع وفيه ريحة فنة
وكيعطي للحلويات عموما مذاق لا يقاوم خاصة الحلويات ديال الشكلاط
القرعة ديال الزاج ومكتوب عليها Aromes de france
ومنين تستعمليه فالحلوى او الديسير او الكريمات غتحسي بالفرق وكلشي غيسولك على ديك اللذة الخاصة والرائعة
وانا كنستعملو حتى فالكيك والمذاق روووعة
هدا الفاني كيعطي لدة غزالة في الحلويات انا عاملاه في الدار احتياط ههههههههه منين ما كتبقاش عندي الساشي ديال الفاني
كنعوضوا بهدا المنتوج كيجي رائع
وبصحة و الراحة