18 يوم باش بديت هاذ الوصفة والحمد لله شعري بدا ينوض ورجع اكاجو بلا صباغة وتعمرت الفراعات من بعد ماكنت غنصلاع

مخلليت مخربقت في راسي ……….و هادي عام باش تندير ماء الزعتر من ورا فاش نغسل يعني حتى نتشلل عاد نخويه على شعري ……و مبقاش تطيح لي شعري ترقع شوية و لكن بقا خفيف.
نهار 22 في هاد الشهر يعني ليومة 18 يوم باش بديت هاد الوصفة اللي غادية نقول ليكم و مولاتها اللي قالتها لي قالت ليك ناض ليها الشعر في شهر و انا نقول ليهم انا اللي غادية نجيب ليكم الصح واش نافعة و لا لا. حيت انا شعري قرع.
اوا دبا درتها 5 مرات و الله العظيم و الله على ما اقول شهيد من اول استعمال بدات المسام تتحل و دبا الحمد لله بدا تينوض.
و الشوانط اللي كانو لي في شعري بداو يصغارو.. ههههه …….
و الله يجازيها بالف خير الاخت اللي قالتها لي…….غير البارح جات عندي واحد السيدة قالت لي شعرك زيان و قوى تبارك الله اش درت…….و ليومة مع الصباح قال لي راجلي الناس شعرهم زيان ههههه و انا ما سايعاني فرحة

المهم الوصفة اسهل ما يكون………..انا درت 4 وقيات تومة بجلوفها +2 حفنات كبار حلبة…..ديريهم في كاسرونة و خلليهم يطيبو مزيان ..بقاي تزيدي الما مرة مرة حتى يطيبو و تنشف الما ……..
من بعد خدي قياس ديال زيت الزيتون ……..و سخنيها مزيان على العافية و خلليها تبرد من بعد طحني كلشي في المولينكس….يعني الحلبة و الثومة بقشورها….و الزيت يكون القياس اللي قدك في الطحين ……………..و ديري كلشي في طاسة…….انا تنداوي و نرجعها الثلاجة……..
مسالة اخرى راه الحلبة متتبقاش الريحة ديالها لا هي و لا الثومة حيتاش تطيبو……تقدري تشمي شوية منين تكوني دايراها في شعرك و لكم منين تتغسلي شعرك متتبقا لا ريحة لا والو…..و نزيدكم مسالة اخرى وللى لي شعري اكاجو هههههههه ما قال لا صباغة لا والو……ههههههه.