يلا شفتي كيفاش كندخل العشوب فماكلتي اليومية غتخليك ديما ديري بحالي..الطعم روعة وفوائد عظيمة

السلام عليكم الاخوات
احنا المغاربة معروفين باتاي او بالقهوة
مكيخطاوناش ياك
اوا كفاش ندخلو فهم الدواء ديالنا فهاد البرد راه دواء او مداق
اولا………. اتاي ولو غير مرة فالنهار…….نطبخواتاي عادي حتى يطيب بوحدو……..او يسالي او نغسلو شوية ديال الزعتر ونرموه فوق البراد………المداق زوين و الافادة.

وبعد المرات كنخلط حبة حلاوة النافع وازير كانديرهوم في الصفاية دالقهوة ونخوي عليهم الما باش التراب اللي فيهم ينزل ونديرهوم مع اتاي حتى يغلى الحبوب داتاي عاد نزيد هاد الاعشاب
شي مرات الى سلاو ليا هاد الاعشاب كندير مرددوش وعوييد القرنفل وطريف صغير العلك
يعني كل مرة واشنو والمداق ديال اتاي رائع بالاعشاب.

اما بالنسبة للقهوة تطيب عادي ويدار 2 عويدات نتاع الشيح فداخل الطرموس القهوة او البريق……. عاد نصبو فيه القهوة او الحليب……. المداق او المنافع ……… نجو دابا للخبز نحاولو مرة مرة نكرصوه بالحبة السوداء او مرة بالجنزلان…. كنغيرو من الروتين ديال نفس الشكل والمداق دائما او فنفس الوقت كندخلو عادات سليمة وصحية لبيتنا بتناولنا لبعض العشوب النافعة جدا يوميا.

فيما كيخص الزبدة البلدية كنت شريتها هدي اكثر من اسبوع وفاش كنزل منها للفطور في الصباح مكنكلوهاش لا انا لا راجلي كناكلوا غي الزيت البلدية ونخلويها وهد الصباح شديت منها واحد الطرف دوبتوا مع شوية اديال الزعتر وحطيتها سخونة في الطبسي شنو نقول لكم المداق هائل وحتى راجلي عجباتو سمح في الزيت البلدية وفطر غي بها.

فالخبز أيضا مرة مرة كنخلط مع العجين شوي الكراوية او كانكون طحنت زريعة الكتان كاندير شي كاس كبير مع الدقيق اللي غادي نعجن