يلا تخنق ليك روبيني الكوزينة أجي نقول ليك شنو تعملي ليه بلا كتحتاجي للبلومبي

السلام عليكم ورحمة الله

هذا أسبوع والروبيني ديال الكوزينة عندي فيه الماء قليل كيخرج غير خيط عييت مانخربق ومانقلب والو

المهم اختكم دازت عليها في غسيل المواعن وفي كلشي خاصني نطلق الماء ونمشي نضرب شي دورة ونرجع

عاد كيعمر الكاس ديال الماء ملي قلتها لراجلي قالي دابا نشوف شي بلومبي يجي يصاوبو

المهم نهار السبت كنت كنخمل الكوزينة كاملة ومسحت الروبيني وقلت علاش مانحلشي الجعبة للي منها كيخرج الماء نغسلها

وملي طلقت الماء خرج كله صفر وفيه الحجر رقيق وصغير عملت فيه جافيل وكنكب الماء

حتى بدا تيخرج ابيض شفاف تأكدت من الجلدة واش باقية مزيانة وعاود رجعت الجعبة لبلاصتها ومحستو وملي طلقت الروبيني

هبط الماء أكثر من الأول

ملي رجع راجلي من الخدمة قلتلو خاصك تخلص البلومبي راه جا صاوب لي الروبيني وهاهو واقف قدامك بغا فلوسو

دابا مافهم والو

كيف ماتيقولو الحاجة أم الاخترام للي بغا يصاوب الروبيني هانا موجودة وبأرخص الأثمان هههه

نتمنى نكون فدتكم

قد يعجبك ايضا
اترك تعليقا