يلا بغيتي تبقى عندك الخميرة مدة أطول دون تلاجة عليك بهاذ الطريقة
سلام حبيبة نتمنى تكونو على خير
اليوم جيت نفيدكم بواحد الفكرة على الخميرة كيفاش تحافضوا عليها
حيت بعد المرات كضيع لينا الخميرة واخا نكونو دايرينها فالثلاجة
داكشي لاش قلت نجي نقولكم هاذ الفكرة ونتمنى نفيدكم
إوا حبيباتي يلا بغيتو تبقى عندكم الخميرة مدة طويلة بلا تلاجة هادي واحد الطريقة كنت كانشوف الوالدة كاتستعملها
على بركة الله كناخدوا الخميرة ديال المعجون ونخلطوها مع كمية من الدقيق ديال الزرع او الفرص
ونخلوطوهم بادينا وناخدو واحد بوسيار ونغربلوها مع الحكان باليد حتى تخرج لينا حبيبات
وننشروها فالشمش حتى تيبس ونديروها فقريعات تقدر تصبر مدة طوييييييييييييييييييييلة
اوا استاغلو الشمش قبل ماتهرب علينا عاود هههههه
في امان الله حبيباتي