يلا بغيتي القزبور و المعدنوس و الكرافس ميكحالوش عليك بهاذ الطريقة وبلا تجميد

السلام عليكم ورحمة الله وبركاتة

في الحقيقة هده الطريقة وراتها ليا واحد البنت الله يجازيها بكل خير

تبارك الله الربيع  كنستعملوهم بزاف في الطياب ديالنا

ولكن دغيا كيفسد واخة يكون فالثلاجة

داكشي لاش جبت لك اليوم طريقة باش تحافظي عليه لمدة طويلة بلا ميكحال

بلا منزيد نطول، يلا بغيتي القزبور و المعدنوس و الكرافس ميكحالوش

تتاحذي القزبور و المعدنوس و تحيدي منهم هدوك العواد الزايدين و تجمعيهم على شكل مجموعات

وجيبي سربيتة ديال الكوزينة و وضعيها على شكل معين

و توضعي القزبور و المعدنوس على جنب السربيتة لويهم مزيان و جمعي الجنيبات اللي بقاو خارجين و حطيهم في الثلاجة

هده الطريقة ممتازة و خى يبقى عندك القزبور و المعدنوس حتى سيمانة في الثلاجة تتلقايه خضر و طري

ونفس الطريقة بالنسبة للكرافس

نتمنى نكون فدتكن





قد يعجبك ايضا
اترك تعليقا