يلا بغيتي الدغميرة والختورية فالمرقة.. عندي ليك الحل

عندي ليكم طريقة زوينة باش المرقة تجي عاقدة وخاترة بزاف

مني تنصبي المرقة تاتعملي اللحم مع 1/2 كاس من الماء والعطرية كاملة بدون الزيت لتتقلى

و يشرب اللحم العطرية لأن الزيت تيخلي العطرية تحترق ويجي المذاق خايب.

المهم ملي اللحم يبان ليك بدا تايتنفخ والماء انشف ديك الساعة زيدي الزيت وتاخدي البصلة

وتشلضيها وتعمليها في مولينيكس مع القزبر والمعدنوس و1/2 كاس من الماء وطحني مزيان ثم

صبي الخليط على اللحيمات وراك الفراجة خلي البصيلة التقلى مزيان ثم مرقي على كيفك.

ومني المرقة التطيب غادا تلاحظي التدغميرة والعقودية والختورية على أصولها.

يالله الحادكات الي جربات الوصفة ديالي وصدقات ليها تدعي معايا بالذرية الصالحة

والله يرحم الوالدين

قد يعجبك ايضا
اترك تعليقا