وصفة من صباحيات 2m لعلاج تساقط الشعر و التقصف مجربة و أعطت نتيجة رااائعة

هاد الوصفة كانت دازت فصباحيات 2m قدمتها غزلان مكوار و أكدت أنها كتعطي نتيجة رائعة و بأقل التكاليف
مع العلم أن هاد العملية كدار فمراكز التجميل بأثمنة باهضة….
و هاد الوصفة كتعالج تلف الشعر لي عادة كيكون القدام أو عند السيدات لي كيصبغو شعرهم بزاف.
مكونات الماسك :
أصفر بيضة (فقط)
نصف حبة أفوكا ممعوسة مزيان
ملعقة زيت الجرجير راه كيتباع فالصيداليات غير ب 20 درهم…
و غزلان مكوار هضرات بزاف على الفوائد لي فيه
(و قالت أنه كيقوي الزغبة الرقيقة و كيردها قوية غليضة و في نفس الوقت فهو علاج قوي لتساقط الشعر).
منين غنخلطو كلشي نديروه فقط على الأطراف المتضررة بلا منديروه للفروة و كنبقاو نجبدو الطرلفف باش
الماسك يدخل فالزغبة مزيان..
و كنخليوه على الشعر مدة ساعة فقط و من بعد غسليه بشمبوان طبيعي..