وصفة ماء المريوت لي ساعدتني مع تساقط الشعر

حيت كنت كنعاني من تساقط الشعر حتى انا استعملت وصفات الحمد لله جابت نتيجة وخا قبل الوصفات تبعت مع طبيبة حيت بغيت نشخص ونعرف مشكل التساقط وعطاتني علاج فيه بزاف المكونات وتحسنت ولكن من بعد رجع لي المشكل داك الشي علاش رجعت للطبيعي وما دام ما بغيتيش الحنة غنعطيك غسول اي محلول تشلي به شعرك بعد كل غسلة وتخليه للغسلة الموالية ومتخافيش مفيهش ريحة خيبة
هاد الغسول كيعالج التساقط والقشرة في نفس الوقت وكيتكون من مريوت ( هاد العشبة مفيدة بزاف لفروة الشعر وكتعالج اي مشكل فيها) كتاخدي منها 2 م ك + نفس الكمية من كل من الازير والزعتر والخزامى والسالمية + 1لتر ماء مغلي وتخلي الكل يغلي على نار مهيلة وانت مغطية عليه لمدة 30 دقيقة وتخليه يبرد وتصفيه وديريه في الثلاجة او وقت ما بغيتي تغسلي شعرك وتسالي خدي قياس كاس من المحلول وشلي به شعرك وما تعاوديش تغسليه.
وداومي على هاد الوصفة حتى يحيد المشكل . -ان شاء الله نحط وصفات اخرى جربتها شخصيا واختاري لتناسبك.
الوصفة الثانية
نفس الاعشاب لدكرت في الوصفة الاولى اعلاه نزيدو عليعا بصلة حمرا مقطعة على 4 بقشورها + 4 ثوم بقشورهم نبركو عليهم بحافة الموس ونضيفوهم ونخليو الكل يغلي بنفس الطريقة وهاد المحلول نصفيوه ونخلطو به الحنة + بيضة + 2 م دانون مسوس ولي مبغاتش الحنة تزيد لازاز وتخلي الخليط شوية يخمر وتديرو للشعر 4 ساعات على الاقل وتغسل من بعد راه الثوم والبصلة ملي يطيبو مكتبقاش ريحتهم
ام هبة ووصال