وصفة زيت الخيار المنزلي  لي مبقيتش كنستغنى عليه … رجعلي البشرة مجبدة ولامعة وبارخص ثمن

مجلة يالالة تقدم لكم  طريقة تحضير زيت الخيار في البيت

مكونات و طريقة تحضير طريقة تحضير زيت الخيار في البيت

الموضوع للاخت : مغربية مخلصة جزاها الله عنا كل خير

نبداو على بركة الله بالحاجة المهمة و الأساسية في صنع الزيت و هي تعقيم القراعي أي قرعة عندك الكونفتير أو ديال الدوا غسليها و غليها فالما هي و القفايل ديالها

و ديريها تنشف فوق شي سربيتة و هاذي هي العملية المهمة خاص القراعي ينشفو ما تبقا فيهم حتى قطرة ديال الما

خليهم يتسقطرو بحدهم يعني بلا متنشفيهم و حاولي كتقيسيهمش من لداخل بديك او بشي حاجة

دابا إن شاء الله نمرو لزيت الخيار حيت ساهل تنحتاجو لقرعة معقمة و خيارة و كاس ديال زيت الزيتون

هنا درت 2 المقادير لي و لصاحبتي ههههه. تنشدو الخيارة و تنمسحوها مزيان ما تبقا فيها حتى قطرة الما و نقطعوها شرائح رقيقة و نديروها فالقرعة و نزيدو عليها الزيت و نخليوها أسبوع فمكان مظلم و كل نهار نحركوها مزيان و من بعد نصفيوها

و بهاكا غادي نحصلوا على زيت الخيار كبيعي مئة بالمئة