وصفة حب الرشاد والحليب كتغلض وفي نفس الوقت كتخفف التجاعيد من البشرة

مكونات وصفة الغلض:

كل صباح على الريق فيضي كاس كبير ديال الحليب مع معلقة كبيرة ديال حب الرشاد
و شربيه و كلسي واحد نص ساعة عاد فطري…داوميها يوميا و غتشوفي الفرق،هاد الوصفة
مزيانة حتى للمرأة لي كترضع ،حيث كدير الحليب.

نفس المكونات غنحتاجوهم للتجاعيد هاد الوصفة كتجبد البشرة بطريقة عجيبة :

كتشدي واحد شوية ديال حب الرشاد و تزيدي عليه الحليب بارد و تبيتيهم ليلة كاملة فالثلاجة
و فالصباح ،غتلقاي داك الحليب بحال الجيل و ديريه لوجهك واحد عشرين دقيقة و غسلي بماء بارد
و ديري الكريم لي مولفة ديريه كل صباح او ممكن ديري غير زيت الكوكو…داوميها يوميا و غتلاحظي الفرق
غيولي وجهك مجبد و منور ..و متنساونيش بالدعاء ديالكم و لكم المثل إن شاء الله.

قد يعجبك ايضا
اترك تعليقا