وصفة البلبولة والحلبة لزيادة الوزن بسرعة

السلام عليكم حبيباتي ليوم جبتلكم وصفة تعالج النحافة وتزيد في الوزن ، حايدو العكز وتشجعو وجربو هاد الوصفة راه ساهلة وجد فعااالة وصحية وكاتفتح الشهية كما انها غنية فالفيتامينات والالياف والبوتاسيوم

المكونات:

شوربة الشعير او الحسوة او البلبولة

الكروية مطحونة

الحلبة مطحونة

الطريقة:

ناخدو زلافة ديال حساء الشعير نضيفولو ملعقة من الكروية مطحونة وملعقة من الحلبة مطحونة، النحيفات لي باغيين يزيدو فالوزن  بسرعة هاد الوصفة غادي تاخدوها لمدة ثلاث اشهر،من الاحسن تاخدوها فالصباح والعشية تكون هي اول وجبة كاتبداو بيها نهاركم واخر وجبة كاتختمو بيها نهاركم وبالتالي غادي تفتحلكم الشهية وتصححكم، مغاديش تضركم لانها مفيدة للجهاز الهضمي وبلبولة الشعير فوائدها كثيرة لا تعد ولا تحصى.

كانتمنى الوصفة تنال اعجابكم وتجربوها وتنفعكم كيف نفعاتني