والله حتى بيضت سنيناتي بدرهم واااااحد فقط والنتيجة غزالة طبيعية بلا منحتاج العمليات ولا نصبغهم

سلام البنات كيف راكم نتمنى تكونو كاملين فأحسن الأحوال…

جيت اليوم نشارك معاكم تجريبتي بتبييض الأسنان لي كانو معقديني والحمد لله دابا بياضو ليا وكنبتسم بكل طلاقة حتى تتبانلي ضرسة العقل ههه

كنت كنشوف بزاف ديال الحلول وبزاف ديال المواد صراحة غالية ومقديتش نغامر يخرجو ليا على سناني ونضيع فلوسي قلت نجرب واحد الحل بسيط لا معطاليش مفعول ديك ساع نجرب وربي يدير تاولين ديال الخير.

المهم مشيت عند العطار واحد سيد عندو كلشي مصوب غزال خديت من عندو درهم  السواك

اوا رجعت لدار قطعت لقياس لي بغيت ودرتو فطاسة صغيرة وعصرت عليه ليمون وخليتو ومشيت نقدي شغالي على مطلق مزيااان من بعد غسلت سناني مزيان بالفرشاة ومعجون الأسنان وجبت مرايا صغيرة وجلست نفرك فسنيناتي مزياااان بسواك ..فرك ياما تفرك من بعد نضت غسلت سنيناتي والله العظيم يلا بياضو ليا أقسم بالله مكنكدب واحد اللون رجعلي فالفم ديالي تقول دايرة عكار غزااال حمقني .

من بعد هزيت قشور البنان وحكيتهم بها شي عشرة دقايق وغسلت سنيناتي والله غير جربوها حبيباتي راه النتيجة رووووعة ورجعي عاودي نفس الطريقة الأسبوع لي من بعدو مثلا درتيها السبت رجعي عاودي الطريقة السبت الجاي وبالنسبة لقشور البنان ممكن ديريهم يوميا ماشي مشكل وغادي تفاجئي بسنيناتك لي بياضو لا بلا مواد غالية بلا حتى شي حاجة خاسرة غير درهم واحد فقط.. اوا شكاتسناو نوضو راه مغديش تسخاو تسدو فومكم من كثرة البيوضة.

قد يعجبك ايضا
اترك تعليقا