واحد السر جابوا لي راجلي من فم بائع الحوت من قلب المرسى

واحد السر جابوا لي راجلي من فم بائع الحوت ومن قلب المرسى

اشترى من عنده كمية ديال الحوت يالّه نزلات من باخرة الصيادين

يعني حوت طري غزااااااال

قال ليه البائع طريقة زوينة لحفظ الحوت في الفريكو

واستهلاكه كما لو أنك خرّجتيه للتو من البحر !!!!!!!!!

نحن ربات البيوت ملي كنشريوا الحوت كنضربوا ليه

غسلة وفركة وكنعبئوه في ميكات ونديروه فالفريكو ياك ؟

ولكن نصيحة صاحب المهنة غير ذلك

قال //

غير نقيه وافرغي بطنه صافي

بلا ما تغسليه وبلا ما تمسيه بماء الروبيني

وعبئيه في ميكات محكمة الإغلاق
وملي تبغي تستهلكيه عاد غسليه

فالحقيقة ملي جات النصيحة من صاحب المهنة ما بقا

لي ما نجادل قلت في نفسي هو ادرى بعالمه

وطبقت التجربة كما قالها بالحرف

والحمد لله

كانت النتيجة راااااااااااااااائعة

وممتاااااااااااااازة جدا جدا

كتحسي بحال الى عاد شريتي الحوت

طري وفيه نسمة زوينة ديال الجْدودية ( يعني جديدة )

وفكرت وقلت انه على حق لان الماء الوفير اللي كنغسلوا بيه الحوت

وعاد كندخلوه للفريكو صافي كيفقد كل طعمه وكيبسال

وغدي تبقى هذه هي طريقتي في كل انواع السمك

إن شاء الله