واحد البرودوي كنظف بيه الكويزينيير من نهار جربت مبقا خطاني من الدار كيخرجها كتشعلل

اليوم بغيت نشاركم بتجربتي في تنظيف الكوزنيير بالبرودوي اللي من نهار استعملتو مبقاش يخطاني من داري،المهم هاد البرودوي سميتو اجاكس كاين اديال الليمون واديال الخزامى وموجود الحمد لله فالاسواق او عند الدروكري وحتى فالمحلات التجارية الكبرى ثمنو ما بين 10 حتى ل12 درهم ثمنو رخيص مقارنة مع النتائج اللي كيعطي.
هاهي الصورة اديالو

ودبا نوريكم كيفاش كنستعملو
ولكن قبل نوريكم الكويزنيير كيف كانت قبل ما نستعمل اجاكس

نحيد الرؤوس نديرهم فكاسرونة فيها الماء والخل نسيت مصورتهاش ،كنخوي على الكوزنيير شوية من اجاكس وكيف ما كتلاحضو عبارة عن غبرة ماشي سائل،نخليه شوية تقريبا شي 10 دقايق ونبقى نحك فالكوزنيير مكان البقع
غادي تلاحضو انو دوك البقع يبداو يتفاعلو مع البرودوي ويوليو ميدمين.

انا هنا حكيت بالسلك تقدري تحطيه غير بشي خرقة تكون شوية حرشة الى خفتي على الكوزنيير انا وخا ندير السلك عمرها تخدشت لي بالعكس كتردها تشعل،المهم من بعد ما تحكي مزيان مكان البقع تدوزي عليها بشفون ناشف بحال هكا

وها هي لالة المحروسة كيف ولات

شوفو النار اديالها كيف زرقا وصافية ما شاء الله

اوا متنساوش تجربو هاد المسحوق لانو فعلا هاااااائل ومرنيش نديرلو الاشهار وانما وجدتو يستحق التجربة وبغيت نخبركم.