وأخيرا وبعد 7 سنوات من العناء بديت نصححااح يا الحبااااب ..أجيو نعاودليكم شنو درت
السلام عليكم أنيقات المنتدى هادي مدة ماكتبت موضوع ولكن جيت وجبت معايا الجديد للنحيفات بحالي هههه
اولا غادي نحكيلكم قصة ديالي مع النحافة و من بعد ندوزو للتطبيق قصدي أش درت باش بديت نصحاح
أنا دبا فعمري 20 عام كنت نحيفة جدا جدا ملي كنت صغيرة ماعمري صحاحيت كان دايمن الناس كايعيروني شي بسخرية شي بضحك من أقرب الناس(خوتي) وجبد على برا ومن بين الأقوال المأثورة:
-نتي عمرك ماتصحاحي
-واش كاتكلي شي حجا ولى والو
-عود التقاب وغيرها وزيد و زيد..
وتقولو انا لي جايبة هادشي راسي وهو مكتوب عليا ..المهم كانت لا طاي 36 لي هي أصغر لاطاي فالسراول مكتجينيش كنت كنلبس تحت منا سروال ديال صوف و جوج سراول أخرين عييت مع الدواء فرماسيان شربتها كاملا من تفتيح شهية (نورافييت برفيتال نيرابول) للأدوية anti-inflamatoire لي معروف عليها الأثار ديالها كاتنفخ ..إلى الخلطات من الحلبة والشريحة ..وزريعة الكتان وزيد وزيد … وتصورو راه قبل منطلع للثانوي وأنا كانحاول و لا أكل ولا أمل الحمد لله ربي عطاني روح الإرادة وعدم الإستسلام حتى وصلت للسنة الخيرة من الجامعة عاد بديت نصحاح …هادشي مور رمضان حين قررت وقرت غادي نشرح ليكم هادشي بهاد الخطوات وسمحولي طولت عليكم:
كيما عارفين رغم فعالية بعض الأدوية والمكملات الغذائية كتبقى الماكلة هي لي كاتصح وبالخصوص الخبز غادي تقلولي راه شحال ما كلينا مكنصحاحوش نقوليكم عندكوم الصح :
أولا بديت كنوسع كرشي باش ؟ بسيروم الشهية الشهير نورافيت وخديت معاه حتى برنابول ..أولا شربت نورافيت كيدير شهية ونعاس فالأيامات الأولى كنت كنشربو غي فليل وكناكول بزاااااف ومن بعد الماكلة كنشرب الماء باش نوسع كرشي
كاين لي كيقول بلي سيرومات ديال الشهية كيمرضو وكيديرو فقر الدم …هادشي الى خديتيه ومكتاكليش مزيان ديك ساعة ماشي غير فقر الدم لي يدير ليك… وهاني الحمد الله بصحتي وزدت موراه بيرنابول
ملاحضة مهمة: فاش يقرب يسالي ليك سيروم متقطعيهش فجأة بل تدريجيا بحال مثلا كتشربيه 3 مرات فنهار غد ليه شربي 2 و واحد 1 ونهار اه نهار لا شربي واحد مرة حتى يتقادا .
وكنت أيضا كانخد طرف دالخبر فيه يإما كونفيتير أو شكلاطمهم شي حاجة حلوة مور الغدا ولا فاش نقرب ننعس..هادي سمعتا عند واحد دكتورة فواحد البرنامج.
من بعد ما ساليت هاد سيرومات ومزال لحد الأن عند بيرنابول كنشربو مرة مرة فاش كنحس راسي مكنقدرش ناكول
وطبعا زدت شويا ولكن ماشي شي زيادة رغم أني ماكلة ديال دار كااع كليتا هههه
شريت منتج له فعالية كبيرة جدا ومعروف من منتجات فوريفر لي هو ultra lite
كاين بنكهتين وحدة فانيلا و أخرى شوكولاطة
هاد المنتج غني بكاع المواد لي كيبنيو الجسم وكيمدو الطاقة والحيوية وفيه حليب الصويا وكيستعملوه حتى ف نقص الوزن
المهم هاد المنتج ثمن ديالو 400 درهم ولكن صراحة يستاهلها
بديت كاناخد هاد المنتج على حسب الطريقة 2 مرات فنهار مور الماكلة مع عصير أو حليب ..وصراحة دزت سيمانة وعطاني نتيجة مبهرة دبا دازو 3 أسابيع و ياخووتي تشوفو الناس لي كنتلاقا بيهم فلافاك …لي نتلاقا بيه يقولي ندى تبدلتي وصحاحيتي ودور ليك لوجه ورجع فيك الدم والحمد لله راني باقيا كا ناخدو ولكن كاناكول بزاااف 
وناويا ناخد واحد أخر حتى نوصل الوزن لي بغيت ..
المهم أخوتاتي الحمد لله لا طاي 36 كتجيني مديقة شويا دابا المهم حققت حلمي ..وصراحة ماصبرتش ماقديتش نخبي هادشي غير عندي على داكشي غير روحت للدار جريت باش نكتب الموضوع ونشارك السر ديالي مع الأنيقات النحيفات ونتمنى حتى هما يصحاحو فحالي وكتر
وتأكدوا مدام صحاحيت أنا كلشي غادي يصحاح بإذن الله وراني هنا إنشاء الله نساند أي وحدة معولة تتبع طريقتي ولي بغات تواصل معايا فمرحبا بها.
ودعيو معايا بالنجاح ونوصل لي بغيت يا ربي.