هذا وقت الخرشوف اوا دخلو نزيدكم واحد الطريقة لي كيحماق عليها راجلي وأكيد غتعجبكم

اليوم طيبت واحد الشهيوة كتعجب راجلي بزااف واقلت نشاركم معايا باش حتئ نتوما تجربوها..كتجي لديدة بزااف غير جربوها امطلوش لتهربو.

اوا يا لالة كتنصبي اللحيمة بالبصلة والزيت مخلطة يعني رومية وبلدية وبزار وسكين جبير وخرقوم ملح و ثومة

مللي يتقلى مرقي بماء ساخن اسدي عليه يطيب

نقي الخرشوف كيما العادة ومللي تحسي باللحم قرب يطيب عاد زيدي الخرشوف مع طريف حامض مصير اسدي عليه شوية

ومللي تحللي الكوكوت حطي طريفات القوق وهذا هو السر في البنة وسدي عليه غير شوية راه دغيا تيطيب

اوا اتمتعو ليا باللذة وبالصحة والراحة..