هذا هو السر ديالي باش كتجيني المايونيز عاقدة وشادة فراسها وكتشهي !!

السلام عليكم حبيباتي

بلا مانطول عليكم ندخل فالموضوع نيشان
بعض المرات من غير ما نكونو مبتدءات لا تنجح معنا المايونيز

سبحان الله كتعكس وصافي وحرام واش تبغي تصدق

كتخرج جارية يعني ما كتعقدش و الحل ساهل الله يسهلها علينا كاملين.

اوا يا لالة باش ما طيرش للمبتدءات و نشجعوهم اكثر يزعمو على الكوزينة

غادة تاخدي زلافة و حطي فيها ملعقة كبيرة ديال الموطارد و بداي تنزلي عليها ديك المايونيز سائلة بحال خويط

و انت خدامة حتى تكمليها كلها و تعقد وتجي خاترة

مع الضراب اليدوي او الكهربائي و ها هي وجدات الحمد لله و حتى حاجة ما ضاعت.

اوا بالصحة والراحة غزالاتي وكنتمنى الفكرة تكون واضحة