هاد المسمن معمر كيجي رائع و الحشوة لذيذة جدا فحال البسطيلة تماما

 دقيق فورص 400 غرام

ملعقه كبيره زبدة
ملعقه زيت زيتون
القليل من السكر
القليل من الملح
نصف ساشي خميره  الحلوى بيكينج بودر
وماء دافئ

نجمع  المكونات جميعا ندلكوها مزيان ونعمل كويرات صغار نغطيهم ونتركهم يرتاحو

أخدنا نصف دجاجه كبيره تم طهيها مع 2 بصلات كبار مقطعين صغار،+ شويه زيت، سكنجبير ابزار، عود قرفه ملحه ملعقه سكر و معدنوس قزبور،غلقت عليهم حتى طاب دجاج مزيان و شرب المرقه و حيدت لعظومه على دجاج،بالنسبة للبصله لم أضفها بأكملها حتى لا تتعجن بالداخل
و أخدنا كاس لوز أزلت له قشوره، ثم حمرته، طحنته مزيان مرتين، أضفت معاها ملعقه سكر وزدت شويه قرفه
نأخد العجينه نسرحها مزيان ونتركها في الوسط شويه غليظه(سميكة) لكي يتم وضع عليها الحشوه و نضع شويه من دجاج وفوقها ملعقة لوز و كنرد عليها العجينه مثل مسمن، نعمل واحده فقط و ندهن شويه بالزبده قبل منطويها الطية الاخيره ندهنهم بالبيض نحط فوقها اللوز التي عملت به الحشوه وندخلهم الفرن يكون ساخن