هاد العشيوة كنديرها دائما كتجي خفيفة ظريفة وكيحماقو عليها الوليدات

بغيت نشارككم بهاد العشيوة الخفيفة من عند الاخت سلمى علي من منتدى اناقة مغربية.

البارح خذيت الدجاج شرملتو بملح+إبزار+سكنجبير +قزبر يابس+ثومة محكوكة+قزبر ومعدنوس مقطع رقيق+عصير نصف حامضة+شوية تحميرة+خرقوم بلدي +3الملاعق كبيرة زيت بلدية نشرملو الدجاج ونخليو تقريبا واحد ساعتين فالثلاجة من بعد نفوروه مني يطيب ندهنوه بالزبدة ولاموطارد وندخلوه إتحمر.

خذيت خضر مشكلة فورتها (خيزو+كورجيط+لوبيا يمكن ديري أي خضر عندك فالثلاجة) مني كاطيب الخضر نديرو شوية الثومة وزبدة ومعدنوس+ملح+إبزار فالمقلة ونسوطيو فيها الخضر كل نوع بوحديتو مني نبغيو نطفيو على الخضر نضيفو ملعقة صغيرة عصير حامض(كاندير هد الطريقة حتى البيض مصلوق كايجي بنين)

من بعد قطعت بطاطا على شكل فريت و صلقتها لمدة 5 في ماء غليان مملح مع ملعقة خل من بعد صفيتها ودرت معاها شوية ملح +إبزار+شوية تحميرة+ملعقة زيت كبيرة ودرتها فلاطة مدهونة ودخلتها الفران تتحمر كاتجي بحال إلى مقلية .

وهدا هو الطبق ديالنا بالصحة والراحة.