نصائح خاصة من عندي غدي تنفعك بزاااف مع لحم الغنمي
موقع يالالة يقدم لكم سيداتي نصائح جد مهمة غاتنفعك مع لحم الغنمي فعيد الاضحى،باش تقدميه لعائلتك باحسن الطرق
– عصير الحامض في القطبان كيجيو رطبين اي تعملي العطرية المعتادة ونضيف معلقة عصير الحامض ونرقدهم شي ساعة
– اللحم لغنمي معروف عليه ليدام مالي كنطيب لكتف بالبرقوق ولا طاجين بالبصلة والزبيب ماكنستعملش نهائي الزيت كندير العطرية في شوية الماء ونرقد فيه اللحم ومع ذالك كيجي المرق طالق الزيت ظروري كنزولو
– قطعي اللحم طريفات صغار نتاع القطبان +سكنجبير والبصل مشلظ والملح والابزار الاسود والزعفران والمعدنوس خلطي عمليهم في الثلاجة مدة ساعتين تقريبا من بعد نصف الكمية عمريها قطبان والنصف الاخر طحنيه +تحمرة والكامون وعمليه شكل قطبان د الكفتة واشوي الكل كيجيو لذاذمع شليظة د الخضرة بالصحة والراحة
– قبل ماتعملي اللحم فالمجمد ديريه فالتلاجة باش مايكونش انتقال مفاجئ لدرجة الحرارة
وقبل ماتعمليه فالاكياس البلاستيكية لفيه فزيف حياتي او ورق الزبدة
– فاش تبغي تبخري الغنمي، فلحيه كله بالسكين وزرعي فيه عريشات اليازير والثوم مقطعة طول بقشورها والقرفة عواد، تا يعطيو نسمة غزالة، وفي نفس الوقت تساعد على الهضم وتا تنقص من مضار الكوليسترول
– إلى بغيتي تعملي faux filet ولا steak رقديه ساعة في الشرمولة الخاصة بيك أو غير ملح وابزار وسخني شوية الزيت مزيان فحال إلى غادية تقلي ورمي فيه اللحم على نار مجهدة وقليه حتى يتحمر ويدير طبقة بنية من الجهتين ونقص النار إلى أدنى حد وديري الماء وغطيه وخليه يطيب على خاطرو، هاد الطريقة تا تخلي اللحم يحافظ على السوائل الداخل وما يجيش ناشف
– منين تبغي تفوري اللحم اضيفي للشرمولة ديالك القزبور اليابس والخل كيجي غزاااااااال
-ملي طحني الكفتة ديري معاها شوية الشحمة ديال الكلاوي والبصلة ملي تشويها كاتجي رطبة ومندِّية
إلا كاتشرملي آللحم ديال القطبان ديري فيه عصير حمضة وماديريش فيه الزيت ومن الأحسن يبات في الشرمولة باش يجي فتي وبنين