نتحداك تبقى ليك زغبة وحدة حرشة مور هاذ الماسك العجيب لي حير كل البنات!!

سلام عليكم البنات نتمنى تكونو بألف خير

كنت كندور فاليوتوب حتى لقيت واحد الفيديو فيه واحد لالة مولاتي وصفة راااائعة كترطب وتنعم الشعر المجعد والخشن

وكتحيد الأطراف المتقصفة بطريقة عجيبة وبمكونات طبيعين وساهلين بلا متكلفي راسك

ومولات الوصفة لي جرباتها كتحلف وتحلف انها رطبات ليها شعرها ومن أول استعمال وكلشي موضح في الفيديو

بالنسبة للمكونات لي دارت هي :

الزبدة

زيت الجليسيرين

ماء الورد

الطريقة 

ديري الزبدة فشي وعاء والكمية لي غتكفيك لشعرك كامل،

ومن بعد بللي شعرك كامل ومشطيه مزيان وفرقيه لخصل وبقاي تطبقي الزبدة على شعرك مزيان بحال يلا كتديري الترطيبة ومع التركيز على الأطراف لي محروقة

وبقاي ديري الوصفة خصلة بخصلة وبعدي على فروة الرأس، ونتي كتدهني وتجبدي شعرك باش تدخل فيه الزبدة مزيان حتى تكملي شعرك كاامل .

من بعد جمعي شعرك وغطيه ببوني بلاستيكي، وخليه لمدة ساعة كاملة ومن بعد غسلي شعرك بشكل عادي بالشامبو.

من بعد خلطي كمية من ماء الورد و2 ملاعق صغيرة من زيت الجليسيرين يلا كان شعرك ناشف بزاف، وديريه فشي علبة ديال بخاخ صغيرة كيفما

موضحة في الفيديو أسفله وخلطي المكونات مزيان رجي القرعة مزين ومن بعد ، رشي هاذ الخليط لي صاوبتي على شعرك مزياااااان رشيه كامل مع التركيز على البلايص لي فيهم تقصف.

 

وبالصحة والراحة شوفي شعرك كيف غادي يولي أما يلا عاودتي نفس الطريقة مرة أخرى على الشعر صدقيني غاتكوني عالجتي شعرك

بأقل تكلفة وغير من الدار وحافظي على فلوسك وشعرك من السشوار.

نخليك مع الفيديو باش تشوفي بعينيك وتزعمي حتى نتي تجربيها لشعرك.