مليتي من اللوبيا خضرا فالطياب..اجي نوريك الطريقة باش كنطيبها فالفران كتجي لذيذة و كولشي كياكلها

الطريقة :

فوري اللوبيا وكي تطيب اقليها حتى تدبال مع الملح والفلفل وسنة توم وحطيها على جهة

خدي حبتين طماطم عاديين في الحجم قطعيهم قطع صغيرة اقليهم مع قليل من الملح والفلفل وسنة توم

وايضا خدي صدر الدجاج طيبيه مع قليل من البصل والتوم وقليل فقط من الملح والفلفل

كي يطيب الدجاج نحيه من الكسرونة واتركي القليل من المرق على جهة

تاخدي مول الكوشة امسحيه بالزبدة في كل الجوانب تاخدي اللوبيا تفرشيها من التحت وضعي الطماطم فوقها

تم صدر الجاج يكون مفتت ضعي طبقة اللوبيا من الفوق تم خدي المرق فرغيه كامل في المول

يكون قيس نص كاس من المرق لي طاب فيه الدجاج تم خدي الجبن مقطع قطع

ضعيه من الفوق تحبي ديري الجبن المبشور لك الاختيار وضربي 3 حبات بيض على حسب البيض لي عندك

ادا كان كبير ضعي 3حبات وفرغيه على كامل المول وضعيه في الفرن لازم المرق ينشف وكي تتحمرلك من الفوق مليح خرجيها من الفرن.

وبصحة حبيباتي.ننصحكم ماتكتروش الملح لانه في كل المقادير رايحين ديروه في كل مرة ضعو كمية قليلة جدا .