معندكش سبيراتور أو الشطابة مكتبردش ليك قلبك اجي دخلي نقولك اش ديري

السلام عليكم حبيباتي

جبت ليكم فكرة روووووعة غتهنيك بزاااف من الشقا والعذاب فتنظيف الزربية

لي كياخد وقت ومكتخرجش مزيان كتبقا باينة موسخة

ماشي كلشي عندو سبيراتور لي كتهنيه وكاين بزاف لي كيطيحو فشي شطابة مكتبردش القلب ومكدير والو

نتوما كتعرفو بلا الشطابة مكتحيدش الخملة ولا ز غب لي كاين فالزربية فمعليكم غير ديرو هاد الطريقة الساهلة والبسيطة

أول خطوة غادي ديري هي تشطبي عادي بالشطابة و من بعد دوزو عليها بحجرة ديال رجلين ديك زرقة لي كتباع عند مول مكياج

و متخفوش على زربيتكم يلا كانت جديدة هي كتحايد غير زغب او لخملة لي كاينة في الزربية

كنتمنى نفيدكم