معلومة واعرة خديتها من الشيف ديال صباحيات دوزيم..والله حتى تفيدك فطيابك

واحد المعلومة كن سمعتها من عند الشيف الهادي فبرنامج صباحيات دوزيم وصراحة عجباتني بزاف وقلت نشاركها معاكم.

قال الشيف هادي إن البنة والريحة كاينة فالنباتة والعود ديال ماطيشة

علاش كنزولوهم ؟؟؟؟؟؟؟؟؟؟؟؟؟؟

ملي كنزولوهم ما كتبقى فمطيشة هاديك الريحة القوية ديال ماطيشة

قال ممكن تطبخوا ماطيشة بالنباتة او العود ديالها

عاد عند التقديم نزولوها

وانا خديت نصيحته على محمل الجد ووليت كنطيب ماطيشة بالنباتة ديالها

وما نقولش ليكم على رويحة كتطلق بمجرد ترميها فالطنجرة

كتحسي براسك بحال راك وسط هاديك الحقول البلاستيكية ديال ماطيشة ههههه

يعني ريحة ماطيشة الحقيقية

قال جربي لو تزولي النباتة وتشمي ماطيشة تلقايها قد فقدت الكثير من رائحتها