معطر للجو او للمرحاض سهل ورخيص و سريع من صنع يديك

السلام عليكم ورحمة الله وبركاتة،

هذه الطريقة كنت شفتها شحال هذه فواحد البرنامج و جربتها هذه اسبوعين بصراحة روعة و بفضلها استغنيت على شراء معطر للمرحاض!

المكونات:

معلقة كبيرة من بيكاربونات الصودا (موجو في الصيدليات و حسب ما سمعت انه تيدير شي ثلاثة الدراهم)

معلقة كبيرة عصير الحامض

كاس كبير ديال الماء

زيت عطري تكون ريحته زوينة و قوية ( انا استعملت القرفة، ممكن استعمال ديال الورد او الفاني..)

قرعة عندها رشاشة

الطريقة:

تتجيبي الماء و تزيدي عليه البيكربونات + عصير الحامض + زيت العطري (انا تندير تقريبا نص معلقة

حتى لمعلقة صغيرة) و تخلطيهم مزيان. و تخويهم فالقرعة و تحطيها فالمرحاض. امممممم ريحة يا سلااااااام!